Basic Electrical in மின்னியல் தமிழில்...!

The complete idiots guide for electrical repair-1

2010-09-12T00:27:00.000-07:00

மின்சாரம் இன்னைக்கு ஒரு முக்கியமான ஒன்றாகிவிட்டது வாழிக்கையில, அது இல்லாம அன்றாட வாழ்க்கைய ஓட்றது கொஞ்சம் கஸ்டம் தான். ஆனா என்ன ஒரு சின்னதா ப்யூஸ் போனாக் கூட , அத மாத்த யோசிக்கிற மக்கள் நிறையப் பேரு இருக்காங்க, காரணம் அதை பற்றிய பயம், சரியான புரிதல் இல்லாமைனு சொல்லலாம். பயப்படும் படியானா, இல்ல தொட்ட உடனே ஆளைக் காலி [பண்ணிடும் பயங்கரமான ஒன்னு இல்ல அது,

எலக்ட்ரிசிட்டினா என்ன? அதை எப்படிக் கையாளனும்னு தெரிஞ்சுகிட்டா சின்ன சின்ன வேலைகளுக்கேல்லாம் எலக்ட்ரீசியனத் தேடி ஓட வேண்டியதில்லை, அதே போல தெரியமல் ஏற்படும் மின் விபத்துகளையும் தவிர்க்கலாம்.

எலக்ரிசிட்டினா (electricity) என்ன?

ரொம்ப எலக்ட்ரான், புரொட்டான் அப்படினு எல்லாம் குழப்ப போறதில்ல இப்போ, அத பத்தி அப்புறமா பார்ப்போம், ஒரு எலக்ட்ரிக்கல் சிஸ்டதுல பல பகுதிகள் இருக்கு, ஹைட்ரோ சிஸ்டம் எடுத்துகிட்டா பெரிய டேம் ல ஆடம்பிச்சு, ஜெனரேட்டர், டிரான்ஸ்பார்மர், சப்ஸ்டேசன், டிரான்ஸ்மிசன் லைன்னு பெரிய பார்ட்ஸ்ல இருந்து உங்க வீட்டு சுட்சு வரைக்கும் லாஜிலா இனைக்கபட்ட ஒரு அமைப்பு அது.

இந்த எலக்ட்ரிக்கல் ரிப்பேர் அப்படிஙகறதுல ஹவுஸ் வயரிங்க் பத்தி கொஞ்சம் விரிவாவும் , அதுக்கு கடைக்பிடிக்க வேண்டிய விதிகள் நடைமுறைகள் பத்தி கொஞ்சம் விரிவா பின்னர் பார்கலாம்....

இன்னிக்கு டிப்ஸ்:-

ப்யுஸ்(fuse) போயிடுச்சுனா மாத்தும் போது:-

இப்போ பெரும்பாலும் சர்க்யுட் பிரேக்கர் தான் உபயோகிக்றாங்க எல்லோரும். அதுல இருக்கும் சுவிட்ச திரும்ப மேல தள்ளிவிட்டாப் போதும். கீழ இருக்கும் படத்த பாருங்க.

இதில்லாமா பழைய டைப் ப்யூசா இருந்தா கொஞ்சம் கவனமா இருக்கனும்.

ப்யூஸ் மாற்றும் போது

ஈரமான தரையில் நிக்க கூடாது

காலில் ரப்பர் செருப்பு அணிந்து கொண்டு மாற்றுவது நல்லது.

எப்படி மாத்தனும்ன்னு அடுத்த போஸ்ட்ல பார்க்கலாம்----- தொடரும்.

The complete idiots guide for electrical repair

2010-09-07T12:06:00.000-07:00

ஹலோ பிரண்ட்ஸ் ,
வணக்கம் , எல்லோரும் நலமா? மின்னியல தமிழ்ல எழுத ஆரம்பிச்சி அப்படியே பாதில நிக்குது, ம்ம்ம் நேரம் காலம் வரட்டும் அத தொடரலாம்.

இப்பொ வேற ஒரு சின்ன முயர்ச்சி. ”The complete idiots guide for electrical repair” இத பத்தி எழுதலாம்னு

தலைப்பே சொல்லிடுது இது புத்திசாலிங்களுக்கு இல்ல, அதால புத்திசாலிங்க, அதி புத்திசாலிங்க கண்டுக்காதீங்க.

இத படிச்ச உடனே ரிப்பேர் செய்யலாம்னு நினைக்க வேண்டாம், எதோ எலக்கிட்ரிக்கல் ரிப்பேர் பத்தி கொஞ்சமா தெரிஞ்சுக்கலாம்ங்க அவ்ளோதான்.

சொந்த சரக்கேல்லாம் இல்லீங்க, யாரோ எழுதனது தான் கட்,காபி,பேஸ்ட் சில நேரம் ட்ரான்ஸ்லேட் ஆவ்ளோதாங்க. என்ன ஆரபிக்கலாமா?

மின்சாரத்தைச் சேமிக்க...-1

2008-09-16T02:04:00.000-07:00

மின்சாரம் சேமிப்பு:

இன்னைக்கு நமக்கு பெரிய பிரச்சினை மின் தட்டுப்பாடு. அரசினை இதற்க்கு குறைகூறும் போக்கை கைவிட்டு மின்சாரத்தைச் சேமிக்கும் முறைகளைக் கையாண்ட்டால் நல்லது. எதோ நம்மாலான சின்ன உதவியை இந்த நாட்டுக்கு செய்வதாக அமையும். வீட்டில் மின் சேமிப்பை எங்கிருந்து ஆரம்பிக்கலாம் என்று யோசித்த பொழுது கிச்சனில் இருந்து தொடங்கினால் நன்றாக இருக்கும் எனத் தோன்றியது. இதோ சில யோசனைகள் , இதைக் கட்டாயம் பின்பற்ற வேண்டும் என சொல்லவில்லை, பின்பற்றினால் நன்றாக இருக்கும் :)

கிச்சனில் மின்சாரத்தைச் சேமிக்கும் முறைகள்:

குளிர்சாதனப்பெட்டி:Refrigerator:

ஒரு வீட்டில் வருடதிற்க்கு குளிர்சாதன உபயொக்கதால் 600-1200 கிலோவாட்-ஹவர் (kWh) மின்சாரம் உபயோகமாகிறது. இதில் மின் உபயோகத்தக் குறைக்க கீழே உள்ள வழிகளை பின்பற்றலாம்.
· உங்கள் குளிர்சாதனதின் வெப்பதினைஅ 37-40 F அளவில் இருக்குமாறு வைக்கவும்.
· அதிகமான பொருட்களை பெட்டியினுள் திணிக்க வேண்டாம், இதனால் உள்ளே காற்றோட்டம் சரியாக இருக்காது. சில நேரம் கதவினைச் சரியாக மூட இயலாமல் போய் மின்சாரம் வீணாகும்.
· குளிர்சாதனப் பெட்டியின் கதவில் காற்று புகாமல் இருக்க உபயோகிக்கபடும் கேஸ்கட்(gaskets) சரியாக இருக்கிறதா என்பதை மாதமொருமுறை சரிபார்க்கவும். அதன் திறனை இழந்து விட்டால் உடனடியாக மாற்ற வேண்டும்.
· திரவ உணவுகளை உள்ளே வைக்கும் போது மூடி போட்டு வைக்கவும், இல்லையெனில் அவை ஆவியாகி கம்ப்ரஸரின் வேலையை அதிகமாக்கி விடும்.
· சூடான உணவும் போருட்களை உள்ளே வைக்க கூடாது. ஆறவைத்த பின்னர்தான் உள்ளே வைக்க வேண்டும்.
· சமைக்கும் போது பக்கதுலதான் இருக்குனு கரிவேப்பிலைக்கு ஒரு முறை, கொத்தமல்லி இலை எடுக்க ஒருமுறை என திறந்து திறந்து மூட வேண்டாம், நால்ல யோசிச்சி இன்னிக்கு சமைக்கப் போறதுக்கு இதேல்லாம் வேணும்னு முடிவு செய்து ஒரே முறை திறந்து தேவையானவற்றை எடுதுவிட்டு மூடிவிட வேண்டும்.
· மின்ச்சாரதைச் சேமிக்க பவர் சேவர் சுவிட்ச் உங்களது குளிச்சாதனப் பெட்டியில் இருந்தால் அதை உபயோகப் படுத்தவும்.
· வீட்டில் நேரடியாக சூரிய வெளிச்சம் படும் இடத்தில் குளிர்ச்சதனப் பெட்டியை வைக்க கூடாது.

குளிர்சாதனம் வாங்கும் போது கவனிக்க வேண்டியவை:

· மின் உபயோகதினை 40% குறைக்க ஒருவழி வரும் தீபாவளிக்கு எக்சேஞ்ச் ஆபரில் பழைய குளிர்சாதனத்தைக் கடாசிவிட்டு புதுசுக்கு மாறிடுங்க.

· 165 லிட்டடர் வேனுமா, இல்லை 200 லி, சிங்கிள் டோர், டபுள் டோர், எதுவானாலும் உங்கள் தேவையக்கு சரியான அளவில் வாங்க வேண்டும். சிறிதாக வாங்கி விட்டு, உள்ளே பொருட்களைத் திணிக்க வேண்டாம்.

· மின்சேமிப்பு முறைகள் உள்ளதாவும், எனர்ஜி ஸ்டார் உள்ளதாகவும் பார்த்து வாங்குங்கள்.

அடுத்து ஓவனில் எந்த முறைகளைக் கையாள்வது எனப் பார்க்கலாம்.
நன்றி:-http://www.eei.org/industry_issues/retail_services_and_delivery/wise_energy_use/how_to_save_electricity_in_your_home/kitchen_tips.htm

வாட், ஓம், ஆம்பியர், வொல்ட் இவற்றிற்க்கு என்ன தொடர்பு?-3

2008-09-15T06:03:00.000-07:00

வாட்:
“வாட்”(Watt)- இதுவும் மின்னியல் பொறுத்தவரை குழப்பமான ஒன்று, சரியாகப் புரிந்து கொண்டால் போதும். 40 வாட்ஸ் பல்பு, 60 வாட்ஸ் பல்புனு சொல்லுவாங்க, 1/2 ஹெச்பி(hp) மோட்டார்னு சொல்லுவாங்க. இதேல்லாம் மின்னாற்றலினை(electrical energy)க் குறிக்கும் அளவுகளே. மின்னுட்டங்கள் பாய்வதை மின்சாரம் என்கிறோம், இதன் அலகு ஆம்பியர் எனப் பார்த்தோம். இப்படி ஒன்றைச் சொல்லியதையே மறந்து விட்டு நமது பாடப்புத்தங்கள் மின்னூட்டங்கள் கடத்தியின் வழியே பாய்வதால் மின்னாற்றல் பாய்கிறது, இது வாட் என அளக்கப்படுகிறது என்று விளக்கம் கொடுப்பார்கள். 2 மார்க் வாங்கினாப் போதும்னு நினைக்கிற நம்மாளும் இதை மனப்பாடம் பண்ணி எழுதிட்டு போய்ட்டே இருப்பான். இத புரிஞ்சிக்கனும்னு முயற்சி பன்றவன் பைத்தியம் ஆகிடுவான். ஏன்னா கொஞ்ச நேரம் முன்னாடி மின்னூட்டம் ஓடினா அதுக்கு மின்சாரம்னு பேருனு படிச்சிட்டு, திரும்ப அப்படி ஓடினா அதுக்கு இன்னொரு பேரு, இன்னொரு அலகுனு சொன்னா எது சரி? எது தப்புனு குழப்பம்தான் மிஞ்சும்.
வாட் என்பது மின்னாற்றல் பாய்வு வீதத்(flow rate)தை குறிக்கிறது. ஆனால் இங்கே பாய்வது என்ன? ஆற்றல். “வாட்” என்பது ஒரு வினாடி நேரத்தில் பாயும் மின்னாற்றலைக் குறிக்கும் ஒரு ஆடம்பரமான வார்த்தை(fancy word). அப்படியெனில் மின்னாற்றலின் அளவு என்ன?. எந்த வகையான ஆற்றலும் ஜூல்(Joule) எனற அலகால் அளக்கப் படுகிறது. ஒரு ஜூல் மின்னாற்றலை ஒரிடதிலிருந்து இன்னோரு இடத்திற்ற்கு மின்கடத்தியின் வழியாக பாயச் செய்யலாம். நீங்கள் ஒரு ஜூல் மின்னாறலை ஒவ்வொரு வினாடிக்கும் ஒரு மின்கடத்திக்யின் வழியே எடுத்துச் சென்றால், இந்த ஆற்றல் பாய்வு வீதம் 1ஜூல்/வினாடி, “ ஒரு ஜூல் /வினாடி என்பது ஒரு வாட்”

வாட், ஓம், ஆம்பியர், வொல்ட் இவற்றிற்க்கு என்ன தொடர்பு?-2

2008-09-11T23:03:00.000-07:00

முதலில் வாட் மற்றும் ஆம்பியர்.
மின்சாரம் பற்றித் தெரிந்து கொள்வதற்க்கு முதல் இதனை தண்ணீருடன் ஒப்பிடலாம். மேல்நிலைத்தொட்டியில் சேகரிக்கப் பட்டிருக்கும் தண்ணீர் எப்படி குழாய்கள் மூலம் வீடுகளுக்கு விநியோகம் செய்யப் படுகிறது எனப் புரிந்து கொண்டால்( எந்த ஊருல குழாய்ல தண்ணி வருது வெறும் காத்துதான் வருதுனு சொன்னீங்கனா அதுக்கு ஒன்னும் பண்ண முடியாது) , அதை போலவே மின் வினியோகம் எப்படி நடக்கிறது என எளிதாக விளக்கம் கொடுக்கலாம்.
முதலில் வாட் மற்றும் ஆம்பியர் பற்றி பார்ப்போம். இரண்டும் சிறிது குழப்பத்தை ஏற்படுத்தும் ஏனேன்றால் இரண்டும் ஒரு பொருளின் ஓட்ட வீதத்தை(Flow rate) குறிப்பவை, ஆனால் இவை குழப்பத்தை விளைவிக்க காரணம் எந்த பொருள் கம்பிகளின் வழியே ஓடுகிறது என்று சரியாக விளங்கிக் கொள்ளாமல்( உண்மையில் பாட புத்தகங்கள் இதை சரியானமுறையில் விளக்குவதில்லை) அதன் ஓட்டவீதத்தை பற்றி புரிந்து கொள்ள முயற்சிப்பதே ஆகும். தண்ணீர் என்றால் என்னவென்றே தெரியாமல் தண்ணீரின் ஓட்டத்தை பற்றி படித்தால் விளங்குமா??!
மின்சாரம் (current) என்பது ஒரு பொருள் அல்ல, ஒரு பொருளின் ஓட்டத்தை மின்சாரம் என்கிறோம். மின்சாரம் பாய்கிறது என்று சொல்லும் போது எந்த பொருள் கடத்தியில் ஓடுகிறது?. அதன் பெயர் “மின்னூட்டம்”(Charge).
ஆம்ப்பியர்:
கடத்தியின் வழியே எது பாய்கிறது?. அதற்க்குப் பல பெயர்கள் உண்டு.
· மின் மூலக்கூறுகள்
· எலக்ட்ரான்கள்
· மின்னூட்டம்
· எலக்ட்ரான் திரவம்
மின்னூட்டங்கள் “கூலும்”(Coulomb) என்ற அலகால்(unit) அளக்கப் படுகிறது. ஆம்ப்பியர் என்றால் “ ஒரு கூலும் மின்னூட்டங்கள் ஒரு வினாடியில் பாய்கிறது” என்று பொருள். மின்னோட்ட்த்தை நீரோட்டதுடன் ஒப்பிட்டால் ஒரு லிட்டர் தண்ணீர் என்று சொல்வோமே அது போல ஒரு கூலும் மின்னூட்டம் எனச் சொல்லலாம். ஒரு வினாடி நேரத்தில் குழாய்வழியே ஒரு லிட்டர் தண்ணீர் ஓடுகிறது என்றால் அதன் ஓட்ட வீதத்தை (flow rate) ஒருலிட்டர்/வினாடி என அளக்கலாம்,இதை பொதுவாக gpm(gallons per minute) எனக் குறிப்பிடுகின்றனர். இதோ போல் ஒரு கடத்தியில் (conductor or wire) ஒரு வினாடி நேரத்தில் ஒரு கூலும் மின்னூட்டங்கள் பாய்ந்து சென்றால் அதில் ஒரு “ஆம்பியர்” மின்சாரம் செல்கிறது எனக் குறிப்பிடலாம்.
ஒகேய், வாட் பற்றி அடுத்த பதிவில் பார்க்கலாமா?

வாட், ஓம், ஆம்பியர், வொல்ட் இவற்றிற்க்கு என்ன தொடர்பு?

2008-09-09T01:13:00.000-07:00

ஆமாம் இந்த வாட் ஓம் ஆம்பியர் வோல்ட் இதெல்லாம் என்ன? இதை பத்தி தெரிஞ்சுக்கனும்னா கூகிலாண்டவர்கிட்ட கேட்டாப் போதும் பக்கம் பக்கமா லிஸ்ட் தருவார். ஆனா எதுலயும் நேரடியான விளக்கம் இருக்காது, சுத்தி வளச்சுத்தான் சொல்லி இருப்பாங்க எல்லாரும். நானும் அப்படித்தான் சொல்லப் போறேன். இது உங்களுக்கு பயனுள்ள பதிலா இருக்கானு நீங்கதான் சொல்லனும். :(

இதோ ஒரு சிம்பிளான பதில்:

மின் கடதிகள் எப்பொழுதும் நகர்ந்து கொண்டிருக்கும் மின்மூலக்கூறுகளால்(movable charges) ஆனது. மின்னொட்டம்(current) என்பது இந்த மின் மூலகூறுகள் ஓடுவதால் ஏற்படுவது. மின்னழுத்தம்(வோல்ட்) இந்த ஒத்த மின்மூலக்கூறுகளை ஒரிடதிலிருந்து இன்னொரு இடதிற்க்கு தள்ளும் வேலையைச் செய்கிறது. ஒவ்வொரு மின்கடதியும்(conductor) ஒரு குறிப்பிட்ட்ட அளவு தடையை இந்த மின்மூலக்கூறுகளின் ஓட்டதிற்க்கு அளிக்கிறது. இந்த தடையை(Resistance) மீறி மின்னூட்டங்கள்(charges) நகர்வதால் கடத்தியில் வெப்பம் உண்டாகிறது.
எவ்வளவு மின்மூலக்கூறுகள் ஒரு நொடியில் நகர்கின்றன எனப்தை ஆம்பியர்(Amepre என்ற அலகால் அளக்கிறோம். அந்த நேரத்தில் பரிமாறப்படும் மின்சக்தியானது வாட்(Watt) என்றும், மின்தடை ஓம் (ohm) என்றும் அளக்கபடுகிறது. ஆம்ப்பியர், வோல்ட், வாட், ஓம் ம் சிம்ப்பிள்த்னே. இன்னும் கொஞ்சம் விளக்கமா பார்க்கலாமா?

கிர்ச்சாப்'ஸ் விதி (KVL, KCL)- உங்களால முடியுமா?

2007-08-12T15:05:00.000-07:00

கே வி எல், கே சி எல்:

எலக்ட்ரிகல் எஞ்ஜினியரிங் படிச்ச எல்லாருக்கும் அடிப்படையா தெரிய வேண்டிய முக்கியமான விதி இது ரெண்டும் தான். அதாவது ஒரு மின் சுற்றுல எவ்வ்வளவு மின்சாரம் பாயுது, எவ்வளவு மின்னழுத்தம் இருக்குனு கண்டுபிடிக்க இந்த விதிகள உதவியா இருக்கு. முதலில் அந்த விதி என்ன சொல்லுதுனு பாக்கலாம்

Kirchoff's Current Law (KCL):
At every node, the sum of all currents entering a node must equal zero.

Kirchoff's Voltage Law (KVL):
The voltage law says that the sum of voltages around every closed loop in the circuit must equal zero.

என்ன திடீர்னு இங்கிலீஸ்ல பீட்டருனு பாக்கறீங்களா, இந்த விதிகள இங்கிலீஸ்ல்ல சொல்றது சுலபம். ஓகே என்ன இதுல சொல்லி இருக்காங்க? முதல் விதியான மின்னோட்ட விதி ஒரு மின் சுற்றில்(Electric Circuit) உள்ள சந்திப்பில் உள்ளெ வரும் மின்னொட்டத்தின் கூட்டுத்தோகையானது வெளியே செல்லும் மின்னோட்டங்களின் கூட்டுத்தொகைக்கு சமம்.

இரண்டாவது விதி என்ன் சொல்லுதுனா ஒரு முழுமையான மின்சுற்றில் மினழுத்தங்களின் (Voltages)கூட்டுத்தொகை பூஜ்ஜியத்துக்கு சமம்.

சந்திப்புனா(junction node) இரண்டு அல்லது அதற்கு மேற்பட்ட கடத்திகளின் இனைப்பு புள்ளி. okey. இப்ப ஒரு மின் சுற்ற சால்வ் பண்ணனும் இந்த விதிகள பயன் படுத்தி உங்களால முடியுமானு கொஞ்சம் பாருங்களே.......
*
*
*
* *
***
***
* *
*****
**** * * *
**** *****
***********
*
*
*
* *
***
***
* *
*****
**** * * *
**** *****
***********
*
*
*
* *
***
***
* *
*****
**** * * *
**** *****
***********
*
*
*
* *
***
***
* *
*****
**** * * *
**** *****
***********
* இதோ முதல் சர்க்கியூட் 1:

அடுத்தது...

யாராவது EEE படிச்சவங்க இருக்கிங்களா? உங்களால இத சால்வ் பண்ண முடியுமா? என்ன மக்கா இத டெக்னிக்கல மொக்க பதிவுல சேத்துக்கலாமா?

உண்மையிலயே மின்சாரம்னா என்ன?

2007-08-05T02:53:00.000-07:00

ஓகே, ஓகே. உன்னோட வரையரைகள்(definitions) எல்லாம் போதும் சாமி. ஒழுங்கா குழப்பாம பதில சொல்லுடா வெண்ணை, இந்தஒரே கேள்வியக் கேட்டே இன்னும் எத்தன குழப்பம் பண்ணலாம்னு ஐடியானு நீங்க கேட்கிறது தெரியுது.சரி சரி பில்டப் எல்லாம் போதும் விசயத்துக்கு வருகிறேன்.

இதோ எளிமையான பதில் இரண்டு முக்கியமானவை ஒரு கடத்தியின்(conductor) வழியே பாயும்.
அவை,
1.மின்னூட்டம் (eletric charge)
2.மின் சக்தி(Electrical Energy)

இதனுடன் சேர்ந்து வேறு சிலவும் கடத்தியில் பாயும், இப்பொதைக்கு எளிமையாக்க அதையேல்லாம் தவிர்த்து விடுவோம்.இரண்டு பொருள்கள் கடத்தியில் ஓடுகின்றது, இரண்டையுமே நாம் மின்சாரம் என அழைக்க முடியாது. இதயே காரணம் காட்டி அப்ப மின்சாரம்னா என்ன? அப்படினும் கேட்க கூடாது. அதற்க்கு பதிலாக

1. எந்த பொருள் பல்பி(bulb)னுள் கடத்தி வழியாகச் சென்று மீண்டும் வெளியே வருகிறது?

2. எந்த பொருள் பல்பினுள் சென்று ஒளி(light)யாக மாறுகிறது?

முதல் கேள்விக்கு பதில் #1 மின்னூட்டம் (Electric Charge).

மின்னூட்டம் என்பது பல்பின் வழியாக மின்சுற்றில்(circuit) பாயும் ஒரு பொருள். பொதுவாக இந்த செயலின் போது ஒரு மின் சுற்றில் மின்னுட்டம் இழப்பதுமில்லை, அதெ போல் மின்னுட்டம் பெறப்படுவதும் இல்லை. மேலும் மின்னூட்டம் மிக மெதுவாகப் பாயும், இன்னமும் சில நேரங்களில் கடத்தியில் ஓடாமல் ஒரே இடத்தில் இருக்கும். மாறுதிசை மின்னோட்ட மின்சுற்றில் மின்னூட்டம் முன்னோக்கி பாயாது. கடத்தியினுள் ஒரு இடத்தில் உட்கார்ந்து கொண்டு முன்னும் பின்னும் ஆடிக் கொண்டிருக்கும்.

இரண்டாவது கேள்விக்கு பதில் # மின்சக்தி (Electric energy)

இதயே மின் காந்த சக்தி எனவும் அழைக்கலாம்.(Electro magnetic energy). இந்த சக்தியானது ஒரு இடத்திலிருந்து மற்றொரு இடத்திற்கு பாயும். மிக வேகமாகச் செல்லக் கூடியது. சற்றேரக்குறைய ஒளியின் வேகத்தில் செல்லும். இதை ஒரு மின்சுற்றிலிருந்து ஆக்கவும் முடியும், இல்லை வேறு வடிவில் தொலைக்கவும் முடியும். அதாவது மின்விளக்கு கொண்ட மின் சுற்றில்(Circuit) மின்சக்த்தியானது ஒளி மற்றும் வெப்பமாக மாற்றப் படுகிறது.

மேலே சொல்லப்பட்ட இரண்டுக்குமான வித்தியாசம்

மின்னூட்டம்(Electric charge)---------------------------------------------------------மின்சக்தி(Electro magnetic energy)

1)மிக மெதுவாகச் செல்லும். சில நேரங்களில் நின்று விடும் ------- எப்பொழுதும் வேகமாகச் செல்லும், ஒளியின் வேகத்திற்க்கு நிகராக.

2)இதன் ஓட்டம் மின்னோடாம்(electric current) எனப்படும்.ஆம்பியர்(Ampere) என்னும் அலகால்(Unit) அளக்கப் படுகிறது. -------
இதன் ஓட்டம் மின்சத்தி எனப்படுகிறது. வாட்(Watt) என்னும் அலகால் அளக்கப்படுகிறது

3)பல்பின் வழியாகப் பாய்ந்து செல்வது -------
பல்பினால் உபயொகப்படுத்தப் படுகிறது(அதாவாது ஒளியாக மாற்றப் படுகிறது.)

4)ஆடலோட்ட(AC) மின் சுற்றில் முன்னும் பின்னுமாக ஓடும். .-------ஆடலோட்ட(AC) மின் சுற்றில் தொடர்ந்து முன்னோக்கி பாயும்.

5)உலோகங்களில் இருந்து பெறப்படுகிறது. ---------
மின் இயற்றி(Generators), மின் கலம்(Battery)இவற்றிலிருந்து பெறப்படுகிறது.

6)இது ஒரு பொருளின் அடிப்படைத்துகள் ---------
இது ஒரு வகையான ஆற்றல்.

7)அடிப்படை துகள் எலக்ட்ரான்களும், புரோட்டான்களும். --------
இதன் அடிப்படை போட்டான்கள்(Photons) ஆகும்.

8)கடத்தியின் உள்ளே பாய்ந்து செல்வது -------
கடத்தியினைச் சுற்றியுள்ள வெளியில் பயனம் செய்வது.

9)சுழல் ஓட்டம்(Circular flow)ஒரு மின்சுற்றில் சுற்றிச் சுற்றி வரும் - --------
ஒரு முனை ஓட்டம்(one way flow)மின் மூலத்திலிருந்து(source) மின்சுமை(Load) நோக்கி பாயும்.

10) இயற்கையாகவே இருப்பது ---------
மின்சாரக் கம்பெனிகளால் உருவாக்கி விற்கப் படுவது.

11) பழைய விஞ்ஞானிகள் இதை மின்சாரம்(Electricity) என்றார்கள். ----------
புதிய முதலாலிகள இதை மின்சாரம் என்கிறார்கள்

எந்தக் கேள்வி சரி?

2007-06-01T13:47:00.000-07:00

மின்சாரம் என்பதன் சரியான அர்த்தம்:-
மின்சாரம் என்பது ஒரேநேரத்தில் மெதுவாகவும்,வேகமாகவும் செல்லும் என்பதல்ல. அதெபோல் அது ஒரெ நேரத்தில் கண்னுக்கு தெரிவதும் தெரியாததும் அல்ல. இந்தக் குழப்பதிற்கெல்லாம் காரணம் தோராயமாக ஒரு பத்து விதமான தத்துவங்களுக்கு பொதுவாக மின்சாரம் என்ற பெயரைக் கொடுத்துவிட்டார்கள் நமது அறிவியலாளர்கள். மின்சாரம் என்ற ஒரு பொருள் இல்லவே இல்லை. "ELECTRICITY DOES NOT EXIST". இந்த பிராங்க்ளின்,எடிசன், தாம்சன் மற்றும் பல அறிவியல் ஆசிரியர்களும் நம்ம ஊரு ராஜாக்களோட ரொம்ம்ப நேரம் பேசி ஒரு முடிவுக்கு வந்திருக்காங்க போல இருக்கு. எப்படி நம்ம 23ம் புலிகேசியோட அப்பா ராஜா தனக்கு பிறந்த 23 குழந்தைகளுக்கும் புலிகேசினு பேரு வச்சாரோ அதேமாதிரி அவங்களும் தாங்கள் கண்டுபிடித்த பல அறிவியல் கோட்பாடுகளுக்கு சும்மா மின்சாரம்னு ஒரே பேர வச்சிட்டாங்க.
இதேபோல வெளிநாட்டுல கூட மிஸஸ் மெக்கேவ் அப்படிங்கற ஒரு அம்மா தனக்கு பிறந்த 23 பசங்களுக்கும் டேவ் அப்படினு பேரு வச்சாங்களாம். இந்த ரெண்டுபேரயும் பாத்து நம்ம விஞ்ஞானிகளும் ஒரே பேரா வச்சிட்டாங்க.
அதனால எப்பேல்லாம் நாம "மின்சாரம்னா என்ன?" அப்படினு கேட்கிரோமோ அது 23ம் புலிகேசியோட அப்பாகிட்ட போயி உங்க பிள்ளைகளில் யாரு புலிகேசி? இல்லனா மிஸஸ் மெக்கேவ் கிட்ட போயி "யாரு டேவ்?" அப்படினு கேட்கறதுக்கு சமம். அவங்க எப்படி பதில் சொல்லுவாங்க? எப்படி விளக்கம் குடுப்பாங்க?. இந்தகேள்விக்கு பதிலே இல்ல. எனேன்றால் நமது கேள்வியே தப்பு. யாரு புலிகேசி? இல்ல யாரு டேவ்? என்பது தவறான கேள்வி. எப்படினு கேக்கறீங்களா? நாம் ஒரே ஒரு புலிகேசி அல்லது ஒரே ஒரு டேவ் இருக்கறதா நினச்சிட்டு யாரு புலிகேசினு கேட்கிறோம். ஆனா அங்க 23 பேர் இருக்காங்க!. ஒரே பேர்ல.அப்ப இந்த கேள்விக்கு என்ன பதில்?. இந்த கேள்விக்கு பதில் சொல்வதற்க்கு முன்னால் நம்முடையா ஒரே ஒரு புலிகேசிதான் இருக்கார்னு நினச்சிகிட்டு இருகிற தவறான புரிதலை சரிசெய்ய வேண்டும். அவங்க 23 பேருக்கும் ஒரே பேருதான் என தெறிந்து விட்டால் யாரு புலிகேசி என கேட்பதில் அர்த்தமே இல்லை.

அதே போல்தான் மின்சாரமும் பல அடிப்படைத்தத்துவங்களுகு ஒரே பெயரை வைத்து விட்டார்கள். இப்ப யாரு டேவ்னு கேட்டா? இதே இவனும் டேவ்தான் , அதோ அவனும் டேவ்தான், இன்னொருத்தனும் டேவ்தான்னு பதில் வரும். எல்லாமே சரியானதுதானே எல்லாருக்கும் ஒரே பேராக இருக்கும் போது. அப்ப ஒருத்தன பத்தி சரியா தெரிஞ்சுக்கனும்னா எப்படி கேள்வி கேட்கனும்? யாரு முதல்ல பிறந்த டேவ்? யாரு குட்டை டேவ்? யாரு குண்டு டேவ் ? இப்படிக்கேட்டால் கேள்வியும் சரி. தேவையான பதிலும் கிடைக்கும்.

எனவேதான் நாம் ஒரே ஒரு பதிலை மின்சாரம் என்றால் என்ன? என்ற கேள்விக்கு கண்டுபிடிக்க முடியாது. எனேனில் கேள்வியே தவறு. முதலில் நாம் உணர வேண்டும் மின்சாரம் என்ற பேர் கொண்ட ஒன்று இல்லை.மின்சாரம் என்ற ஒரு தனியான ஒன்று இல்லவே இல்லை. ஒரு கடத்தியில்(wire) பல பொருள்கள் இருக்கும் போது, மக்கள் தவறாக எல்லாவற்றுக்கும் மின்சாரம் என்ற ஒரே பெயரில் அழைக்கத்தொடங்கி விட்டார்கள்.

அதனால், எப்பொழுதும் மின்சாரம் என்றால் என்ன? என்று எப்பொழுதும் கேட்காதீர்கள். அதற்குப் பதிலாக அந்த வார்த்தையையே விட்டு விடுங்கள், சரியான பெயரைப் பயன்படுத்துங்கள். எப்படி? இதோ சில உங்களுக்காக

மின்னூட்டம்(electric charge) என்றால் என்ன?
மின்திறன்(electrical energy என்றால் என்ன?
எலக்ட்ரான்(electron) என்றால் என்ன?
மின்னோட்டம்(electric current) என்றால் என்ன?
மின்னூட்ட வேறுபாடு(inbalanced charge) என்றால் என்ன?
மின்புலம்(electric field) என்றால் என்ன?
மின்னழுத்தம்(electric potential) என்றால் என்ன?
மின்ஆற்றல்(electric power) என்றால் என்ன?
மின்காந்தவியல்(electromagnetism) என்றால் என்ன?
மின்னியல்(electrical science) என்றால் என்ன?
மின்னியல் அடிப்படைக்கூறுகள்(electrical phenomena) என்ன?
மின்னியக்கம்(electrodynamics) என்றால் என்ன?

மேலே உள்ள கேள்விகளுக்கு எல்லாம் சரியான பதில்கள உள்ளன. ஆனால் நீங்க மின்சாரம்னா என்னனு கேட்டா?, அப்புறம் விசு சொல்ற மாதிரி சம்சாரம் அது மின்சாரம்னு ஒரு குழப்பமான பதிலைத்தான் சொல்ல முடியும். அப்புரம் நீங்கள் கேள்விக்கு பதில தேடீட்டே இருக்கனும்.சரியான பதில் தேடினாலும் கிடைக்காது.
ஒகேவா? இனிமேல் நண்பர்களே சரியான கேள்வி கேளுங்க மிகச்சரியான பதிலைப்பெறுங்கள்.

4 மின்சாரம் என்பது....??!!!

2007-05-31T13:01:00.000-07:00

மின்சாரம் பற்றி ஒரு சரியான வறையரையை தெரிந்து கொள்ள வேண்டும் என்றால் கீழே சொல்லப்பட்ட எதை எடுத்துகொள்வது?. சரி நன்று, நாம் மேலே உள்ள ஒன்றைத்தான் எடுத்துக்கொள்ள வேண்டும் என அவசியம் இல்லை. ஒருவேளை முரண்பாடுகளே வேண்டாம், மேலே சொல்லப்பட்ட எல்லாம் சரி என நடிப்பதை விட்டுவிட்டு சரியான புரிதல் வேண்டுமேனில் கீழே உள்ளதை எளிமையான விளக்கமாகக் எடுத்துக் கொள்ளுங்கள். மின்சாரம் எனபது புதிரான ஒரு விசயம். அது ஒரெ நேரத்தில் கண்ணுக்கு தெரியாத மற்றும் தெரியும் பொருள். மேலும் அது துகள் மற்றும் ஆற்றல். அது குறந்த புரோட்டான்களால் உருவாக்கப்பட்ட அலைவரிசை கொண்ட ரேடியோ அலை. அது ஒரு மர்மமான வெளிர்நீல நிற நெருப்பு ஆனாலும் கண்ணால் பார்க்க முடியாது. அது முன்னொக்கி ஒளியின் வேகத்தில் நகரும்... ஆனாலும் AC கடத்தியில் முன்னோக்கிச் ஓடாமல் முன்னும் இன்னும் அலைவுறும். அதற்கு மொத்தமாக எடையில்லை ஆனாலும் கொஞ்சமா கனமா இருக்கும். அது குண்டு பல்பு வழியே செல்லும் போது சிறிதளவு மின்சாரம் கூட அந்த பல்பினால் பயன்படுதப்ப்டுவதில்லை, பல்பினுள் ஒரு முனையில் எவ்வளவு உள்ளே சென்றதோ அது அடுத்த முனையில் வெளிவந்த்து விடும் ஆனாலும் பல்பிலிருந்து வெளிச்சம் வரும் ஆனாலும் சிறிதளவேனும் மின்சாரம் அந்த பல்பினால் பயன்ப்டுத்தப்படவில்லை. பாடப்புத்தகங்களில் எல்லாம் மின்சாரம் பற்றி உள்ளது. ஆனால் மின்னுட்டம் பற்றி இல்லை. மின்சாரம் என்பது பல அடிப்ப்டைத்தத்துவங்களைக் கொண்டது அதை மின்கலன்களில் சேமித்து வைக்கலாம். நீங்கள் அதை அளக்க விரும்பினால், எந்த அலகு(unit) பயன்ப்டுத்த வேண்டும்? ஏன் ஓல்ட்(volt)ல் அளக்கவேண்டும்? அதுமட்டுமா கூலூம்(coulomb), ஆம்பியர் (Ampere), வாட்(Watt), ஜூல்(Joules) இதேல்லாம் இருக்கே? எல்லமே ஒன்றா?. மின்சார்ரம் என்பது சில அடிப்படைத்தத்துவங்ளின் மொத்தமே( class of Phennomena); இருந்தாலும் மொத்ததில் அது ஒரு நிகழ்வே. ஒரு நிகச்சியை எப்படி நம்மால் அளக்க முடியாதோ, உன்மையிலே மின்சாரத்தின் அளவை அளக்க முடியாது. .சரியா? ஹி... ஹீ... மேலே நான் தந்த விளக்கம் முட்டாள்தனமாக இல்லை?. மின்சாரம் அப்படினு ஓரு வார்த்தய வேச்சுகிட்டு இப்படி குழப்பம் பன்றயே ராசா? ஏதோ எங்களுக்கு புரிஞ்சதயும் நல்லா குழப்பி விட்டுருவ போலிருக்கே போதும்டா சாமி ஆள் விடு அப்படினு சொல்ல தோனுதா? பொறுமை. அடிக்க வராதீங்க. மின்சாரம் அப்படிங்கற வார்த்தைக்கு முரனான விளக்கங்கள் என்னேல்லாம் உள்ளது என சொல்லவே, மேலும் ஒரே வார்த்தைக்கு பல வரையறைகளை ஒப்புக்கொண்டால் வரும் குழப்பங்களை விளக்கவே மேலே சொல்லப்பட்டவை. அப்ப சரியானது எது?

3.1

2007-03-07T09:23:00.000-08:00

மின்சாரம் என்ன்றால் என்ன?What is electricity?

இந்தக் கேள்விக்கு சரியான பதில் சொல்வது மிகவும் கடினம். இதற்கு பல அர்த்தங்கள் உண்டு.இந்த வார்த்தைக்கு சரியான விளக்கம் சொன்னால் குழப்பம், முன்னுக்கு பின் முரனான கருத்துக்கள் இவையே மிஞ்சும். இன்னும் சொல்லப் போனா ஆசிரியர்கள், பொறியியலாளர்கள், விஞ்ஞானிகள் இவர்களே கஸ்டப்பட்டுதான் இதை புரிந்து கொண்டுள்ளனர். உங்களுக்கு மட்டும் தான் குழப்பம் என்று எண்ணவேண்டாம்.ஒரே வரில சொல்லனும்னா
" சம்சாரம் அது மின்சாரம் "
(மனைவிய எப்படி சரியா புரிஞ்சுக்க முடியாதொ அதே மாதிரிதான் இதுவும்)கண்டிப்பா மின்சாரம்ங்கறது பல அர்த்தங்கள கொண்டிருக்க முடியாது. அது ஒன்னே ஒன்னுதான். மனைவிய புரிஞ்சுக்கறமாதிரி நாம தான் பல வித கருத்துக்களை கொண்டுள்ளோம். அதெல்லாம் என்னனு பாக்கலாமா?முதலாவதாக..1. மின் இயற்றி( generator) மின்சாரத்தை உருவாக்குகிற்தா? --- வருகிரது பதில் விரைவில்.

மின்சாரம் என்பது,,,,,

2007-03-07T07:39:00.000-08:00

1. விஞ்ஞானிகளைப் பொறுத்த வரை மின்சாரம் என்றால் ஒன்றே ஒன்றுதான்: எலக்ட்ரான்கள் என்னும் எதிர்மின் துகள்(negative charge) புரோட்டான்கள் என்னும் நேர்மின் துகள்(positve charge), அதவது மொத்தத்தில் மின்னூட்டங்கள்(Charges)

எ.கா:- மின்னோட்டம், மின்னோடத்தின் அளவு, எத்தனை கூலூம் மின்னூட்டம் ...

2.தினசரி வாழ்ழ்க்கையில் மின்சாரம் என்றால்: மின்கலத்தில் இருந்தும், மின் இயற்றியில் இருந்தும் அனுப்பப்படும் மின்காந்தபுல ஆற்றல்(electro magnetic field energy) .

எ.கா: மின்சார கட்டணம், kwh (கிலொ வாட் ஹவர்) மின்சாரம் (அதாவது ஒரு யூனிட் மின்சாரம்)

3. பள்ளி மாணவர்களுக்கு: மின்சாரம் என்பது எலக்ட்ரான்களின் ஒட்டம்.

எ.கா: மின்னோட்டம், ஆம்பியர்...

4. மின்சாரம் என்பது எலக்ட்ரான் மற்றும் புரோட்டான்களுக்கு இடையில் மொத்த அளவில் உள்ள வேறுபாடு(amount of inbalance) .

எ.கா: நிலை மின்னூடம், மின்ன்னூட்டங்களை அகற்றுதல்(charge discharge)

5.மின்சாரம் என்பது வேறொன்றும் இல்லை மொத்தமாக மின்னூட்டங்களை அடிப்படையாக கொண்ட தத்துவங்கள்

எ.கா

உயிர்மின்னியல்(bio electricity),

பீசோ மின்னியல்(Pizo electricity),

வெப்ப மின்னியல்(thermo electricity),

வளிமண்டலத்தோடு தொடர்புள்ள

மின்னியல்(atmospheric electricity)...Etc..

6. மற்றும் சில பொதுவான வரையறைகள்

"மின்சாரம்" என்பது மின் ஆற்றல் பாய்வதைக் குறிப்பது(electric power, watts),

"மின்சாரம் " என்பது மின் அழுத்த வேறுபாடால் (potential diffrence)

உண்டாவது

"மின்சாரம்" என்பது வேறொன்றும் இல்லை அறிவியலின் ஒரு பிரிவு.

மேலே சொன்னது எல்லாம் மின்சாரத்தை பத்தி நமக்கு சொல்லப்பட்டவை, அல்லது நாம் படித்தவை. இதில் எது சரி? எந்த ஒரு வரையறைய நாம் எடுத்துக்கொள்வது? இல்லை எல்லாமே சரியானதா?

மின் இயற்றி( generator) மின்சாரத்தை உருவாக்குகிற்தா?

2007-03-06T10:11:00.000-08:00

இந்த படம் ஒரு ஜெனரேட்டருடன் இனைந்த மின் விளக்கை காட்டுகிறது.

மின் இயற்றி( generator) மின்சாரத்தை உருவாக்குகிற்தா?

இதுக்கு பதில் சொல்லனும்னா, உங்க வீடல இருக்கிற குண்டு மின்விளக்கை எடுத்துக்குவோம்(Bulb). அந்த மின்விளக்கை இனைக்கும் கடத்தியில்(Wire) மின்னூட்டங்கள்(Electrons) உக்காந்துட்டு முன்னோக்கியும் பின்னாடியும் அலஞ்சிட்டு இருக்கும். படத்தைப் பார்க்கவும். அதுதான் AC அல்டர்நேட்டிங் கரண்ட்(இதுக்கு சரியான தமிழ் வார்த்தை இருந்தால் செல்லவும்) . அதே நேரத்தில் மின்கந்தப் புலத்தால்(Elecromagnetic field) உருவான மின்காந்த அலைகள்(Electro magnetic waves) வேகமாக கட்த்தியில் முன்னேரிச் செல்லும். இந்த அலையில் உள்ள சக்தியானது(Energy) முன்னும் பின்னும் அலையாது, ஆனால் அது கடத்தி வழியாக ஓடி மினியற்றியில் இருந்து விளக்கிற்கு பாயும்.

சரி, இப்ப இந்த கேள்விய நீங்களே கேட்டுப் பாருங்க: மின்னோட்டம் (current) தான் மின்சாரமா(electricicty)?,

அப்படியெனில் நாம் மின்சாரம் கடத்தியின் உள்ளெ உக்காந்து கொண்டு முன்னும் பின்னும் ஓடிகொண்டிருகிறது.

அடுத்து இந்த கோணத்தில் பாருங்கள் அதை ஒரு ஆற்றலின் வடிவாக? . மின்சார்ம் என்பதை மின்னாற்றலாக எடுத்துக் கொண்டால் அது முன்னும் பின்னும் அலைய முடியாது கடத்தியினுள்ளே, அதற்க்கு பதிலாக அது மின்காந்த புலத்தை தோற்றுவித்து முன்னோக்கி ஓடுகிறது.

ஆனால் மேலே சொன்ன இரண்டையும் ஒரெ நேரத்தில் செய்கிறதா? அப்படியெனில்

எது மின்சாரம்?

* முன்னும் பின்னும் அலையும் எலக்ட்ரான்களா?

இல்லை

*மிக வேகமா மின்காந்தபுல ஆற்றலா?

- புததகங்களில் தேடினால் முரனாண விளக்கங்கள்தான் உள்ளன.

யாராவது ஜெனரேட்டர் தான் மின்சாரதை உருவாக்குகிறதா என்றால்? மின்னியல் பற்றி நாம் தவறான கோனத்தில் இருக்கிரோம் என்று அர்த்தம்.

இதை நாம் தெளிவாக புரிந்து கொண்டால் மின்னியல் என்பது மிகஎளிதானதே.பொதுவாக மின்சாரம் என்பதை பலரும் எப்படிச் சொல்கின்றனர் என்பதைப் பார்ப்போம்....? அதுல எது சரினு நினக்கிறீர்களே அதை ஆழ்ந்து சிந்தியுங்கள். அதுல் ஒன்னுதான் சரி மற்ற எல்லாம் தவறு.விஞ்ஞானிகள், தினசரி வாழ்க்கையில், பள்ளி அறிவியல் புத்தகத்தில் எல்லாம் இந்த மின்சாரத்திற்கு கொடுக்கும் வரையறைகள் என்னனு பாக்கலாமா?

ஒரு சின்ன வரலாறு மின்னியல்(Electricity) பற்றி:-

2007-03-03T21:34:00.000-08:00

ஒரு சின்ன வரலாறு மின்னியல்(Electricity) பற்றி:-

600 BC:- பழங்கால கிரேக்கர்கள் ஆம்பரை(amber) கம்பளியில்
தேய்த்து நிலை மின்னூட்டதைக் கண்டறிந்தார்கள்
Crica 0AD:- (இந்த ஆண்டு பற்றி எனக்கு சரியாக
தெரியவிலை):- பாரசீகர்கள் (இப்ப இருக்கும்
ஈராக்) மின்கலத்தை(Battery) கண்டறிந்தார்கள்
( எதற்க்கு என்று தெரியவில்லை மருத்துவத்தில்
பயன்படுத்தி இருக்கலாம் என அனுமானம்)

1720 ல்:- ஸ்டீபன் கிரெ(Stephen Gray) என்பவர் நிலை
மின்னூட்டங்களை ஓரிடத்தில் இருந்து இன்னொரு
இடத்திற்கு கடத்தமுடியும் என நிரூபித்தார்

1750 ல்:- பெஞ்ஜமின் பிராங்க்ளின் அவர்க்ளின் ஒரு Fluid
theory of Electricity மின்னியலின் ஆறிவியல்
பூர்வமான செயல்முறைகளை ஒருமுகப்படுதியது.
இதுவே புதிய மின்னியல் அடிப்படைக் கொள்கைகள்
உருவாக அடித்தளம் அமைத்தது.

1800ல்:- அலெஸ்ஸான்ட்ரோ வொல்டா அருடைய புதிய
கண்டுபிடிப்பாக மின்கலத்தை மீண்டும்
பாரசீகர்களுக்கு பின் 1800 ஆண்டுகள் களித்து
அறிமுகப்படுதினார்.

1820ல்:- ஹான்ஸ் ஓர்ஸ்டட் மின்காந்த தன்மையை
தன்னுடைய பிரபலமான "காம்பஸ்(Compus) மற்றும்
மின்சாரம் பாயும் கடத்தி"(current carying wire)
சோதனை மூலம் கண்டறிந்தார்.

ஆண்ட்ரு -மேரி ஆம்பியர் மின்சாரம் மற்றும்
மின்காந்தம் இவற்ரை வரையறை செய்தார்.
மேலும் மின்னோட்ட்டத்தை அளவிடும் "அம்மீட்டர்"
என்னும் கருவியையும் கண்டறிந்தார்.

ஜார்ஜ் ஓம் மின்சாரம் பறிய ஆய்வுகளை
வெளியிட்டார், அதில் அவரது புகழ் பெற்ற
ஓம்'ன் விதி (Ohm's law) யும் அடக்கம்.

1830ல்:- மைக்கெல் பாராடெ ஆட்டத்தில் இறன்கினார். மனித
குலதின் கண்டுபிடிப்புகளில் மிகச் சிறந்த நவீன
மின்னிய்ல் யுகம் தொடங்கியது....!

" No Cithy with out Electricity"

இன்னும் வரும்...

2007-02-19T03:45:00.000-08:00

மின்னியல் எப்படி வேல செய்யுது? நீங்க எலக்ட்ரிசிட்டி பத்தி ஸ்கூல்ல அறிவியல் புத்தக்த்துல படிச்சசி இருந்தீங்கனா, இந்த தொடருக்குள்ள போறதுக்கு முன்னாடி சில எலக்ட்ரிசிட்டி எப்படியேல்லாம் வேல செயாதுனு மொதல்ல பாக்கனும்.இது எனது ஆறிவியல் தமிழுக்கான சிறு முயற்ச்சி. புத்தகங்க சில கருத்துகள்ல பல பேர குழப்பி விட்டிருக்கு. என்னனேல்லாம் அதுனு கொஞ்சம் பார்ப்போம்.
இதோ லிஸ்ட்
1. எல்லா மின்னோடமும் எலக்ட்ராங்களின் ஓட்டமே?---- தவறு
2. எலக்டிரிசிட்டி எலக்ட்ரான்களால் ஆனது, புரோட்டான் கிடையாது-- இல்லை
3.எலக்ட்ரான்கள் எனபது ஒரு " energy particle". ----தப்பு.
4. மின்னொட்டம் எடையைக் கடத்துவதில்ல, ஏன்னா எலக்ட்ரான்கள் குறைந்த எடையுள்ளது---- இல்லீங்கோ
5. நேர் மின்னூட்டம் என்பது உண்மையிலேயே எலக்ட்ரனை இழப்பதால் உண்டாகிர்து- தவறு.
6.நேர் மின்னூட்டம் கடத்தியில் ஓடாது- மொத்தமாக தப்பு
7. நிலை மின்னுட்டத்தை உறுவாக்க எலக்ட்ரானை நகர்த்த வேண்டும்? - எப்பவும் அப்படி இல்லை
இன்னும் வரும்

நிலை மின்னூடம்

2007-02-17T09:32:00.000-08:00

நிலை மின்னூடம்(static charge):
மின்னியலின் ஆரம்பம் என்பது நிலை மின்னுட்ததினுடைய கண்டுபிடிப்பில் இருந்து ஆரம்பம் ஆகிறது. ஆரம்பதில் செய்யப்பட்ட சில சோதனைகளில் கம்ப்ளித்துணி அல்லது சில்க் துணியில் தேய்க்கக்பட்ட கண்ணாடிக் குச்சி காகிதத் துண்டுகளை ஈர்த்தது, பின் அதர்க்கு காரணம் அணுவின் அடிப்படைத் துகள்களான எலக்ட்ரானும்(எதிர் மின்னூட்டம்)negative charge, புரொட்டானும்(positive charge) இவைகளெ காரணம் என கண்டறியப்பட்டது. இவை களே மின்னியல் அடிப்படைக் கூறுகள் ஆகும். இதில் எலக்ட்ரான் மின்னூட்டத்தின் ஒட்டமே மின்னோட்டம்(current) எனப்படுகிறது.

புத்தாண்டு வாழ்த்துக்கள்

2006-11-17T07:49:00.000-08:00

அனைத்து வலைபதியும் நண்பர்களுக்கும், "இந்த பூமியெ பூ வனம் உங்கள் பூக்களை தேடுங்கள், இந்த வாழ்கையெ சீதனம் உங்கள் தேவையை கேளுங்கள்"- இனிய புத்தாண்டு வாழ்த்துக்கள்-விஜி

மின்னியல் பற்றி

2006-10-26T08:06:00.000-07:00

மின்னியல் பற்றி தெரிந்து கொள்வதற்க்கு முன்னால் இந்த தொடரில் எழுத இருக்கும் தலைப்புகலைப்பற்றி ஒரு முன்னோட்டம்.முதலில் நிலை மின்னியல் அறிமுகம், பிறகு மின்கடத்திகள், மின்குறை கடத்திகள், மின்சாரத்தை கடத்ததவை பின் மின் சுற்று , மின்சாரத்தை அளவிடும் முறைகள்.- தொடரும்

மின் தடை

2006-05-07T09:46:00.000-07:00

மின்னியல் தமிழில்...!

2006-05-02T10:01:00.000-07:00

மின்னியல் தமிழில்...!
அன்புடைய நண்பர்களே!
வணக்கம். நான் ஒரு எலக்ட்ரிகல் என்ஜினியர். அதனால் தமிழில் மின்னியல் பற்றி எழுதலாம் என்று எனது நீண்ட நாள் கனவை இந்த பதிவில் எழுதுவதன் மூலம் நிறைவேற்றிக் கொள்ள விரும்புகிறேன். உங்களுடைய ஆதரவும் பின்னூட்டங்களும் வேண்டி என் பயணத்தை துவக்குகிறேன்.
அன்புடன்
வே.விஜயகுமார்